Vrystaat Cheetahs Evaluering

Die Direksie van die Vrystaat Cheetahs (Edms.) Bpk. en die Vrystaatse Rugby-unie doen kwartaalliks en jaarliks deeglike evaluering van alle aktiwiteite.

Die afgelope Absa Curriebeker seisoen het nie na wense verloop nie en daar sal nou ‘n meer indringende evaluasie proses plaasvind.   Daar sal op alle aspekte van die maatskappy en unie se werksaamhede gefokus word en alle rolspelers sal betrek word.

Die Maatskappy en die Unie benader al sy aktiwiteite baie professioneel en is ook teleurgesteld in die Absa Curriebeker seisoen.  Daar is wel seker aspekte van die werksaamhede van die maatskappy wat nie volgens die direkteure en unielede professioneel genoegsaam is nie, wat gevalueer sal word.

Ons kyk veral na spelaangeleenthede, mediese aspekte asook die algemene bestuur en bemarking van ons produk.  Ons sal ook van SARU se kundigheid gebruik gemaak word. 

Vrystaatse Rugby-unie sal ook opnuut na die bydraes en ondersteuning van al sy rolspelers kyk.

Die proses het reeds ‘n aanvang geneem  en sal nou verder gevoer word en so spoedig moontlik voltooi word sodat die spanbestuur en spelers op die Super Rugby toernooi wat op hande is kan fokus.

Super Rugby oefengroep

‘n Groep van 52 spelers het op Maandag, 12 November in Bloemfontein bymekaar gekom vir ‘n voorseisoen oefenkamp, met die oog op voorbereidings vir die 2013 Super Rugby kompetisie. 

Die spelers is:

? Nuut gekontrakteerde spelers by die Toyota Vrystaat Cheetahs

«Spelers wat vir die eerste keer by die Toyota Cheetahs oefen

Die verkleinde groep van 35 spelers sal nader aan die begin van die kompetisie gekies word.  Die Toyota Vrystaat Cheetahs speel hul eerste Vodacom Super Rugby wedstryd op Saterdag, 23 Februarie 2013 teen die Sharks in Bloemfontein.

George Sewes Toernooi

Die Sentrale streek stuur ‘n franchise span na die Sewes toernooi wat vanjaar van 13 tot 15 Desember in George aangebied word.  Mnr. Hawies Fourie is aangewys as die afrigter met Niel du Plessis as die fiksheidsdeskundige.  Arni van Rooyen van die Griekwas is die spanbestuurder en Monty Engelbrecht ook van Griekwas is die mede-afrigter. 

Top spelers van die Super Rugby franchise sal beskikbaar wees vir die groep.  ‘n Groep spelers het Dinsdag begin oefen en oefen drie maal per week.  ‘n Finale sal op die 4de Desember aangekondig word. 

Die prysgeld om hierdie toernooi te wen is R1mil en sal tussen die spelers en die Maatskappy op ‘n basis verdeel word.